⭐ ကိုယ်လုပ်မှ ကိုယ်ရ ⭐

ပါမောက္ခချုပ်ဆရာတော်ဘုရားကြီး

ဒီဘဝပြီးသွားရင် နောင်ဘဝ ဘယ်ရောက်မယ်

ဆိုတာ မတွေးနိုင်ဘူး။

လောကမှာ အခု ဒီကနေ့ကမ္ဘာမှာ လူဦးရေ
သန်းပေါင်း ၆ဝဝဝ ကျော်ရှိတယ် ထင်တယ်။
မြတ်စွာဘုရား တရားတော်တွေ နာခွင့်ရတဲ့ လူဦးရေက
အင်မတန်မှ နည်းတယ်ပေါ့။ အင်မတန်မှ နည်းတဲ့
အထဲမယ် တို့တတွေ နာခွင့်ရတယ်။

အေး... နာခွင့်ရတဲ့ တရားတော်တွေနဲ့ တရား
ဆိုတာ ဆေးနဲ့ အလားတူတယ်ပေါ့။
ဆေးဆိုတာ မသောက်ဘဲနဲ့ ခေါင်းအုံးအောက်တို့၊
ဖျာအောက်တို့၊ အိပ်ယာခင်းအောက်တို့ ဖွက်ထားလို့
ရှိရင်တော့ ရောဂါ မပျောက်ဘူးပေါ့။
ဆေးဆိုတာ မှန်မှန်သောက်ရတာပဲ။
တရားဆိုတာလည်း မှန်မှန်နှလုံးသွင်းရတာပဲ။

ကိုယ့်စိတ်ထဲမှာ နှလုံးသွင်းခြင်းဖြင့် စိတ်ပိုင်းဆိုင်ရာ
ချို့ယွင်းချက်တွေ၊ စိတ်ရဲ့ အညစ်အကြေးတွေဟာ
တဖြည်းဖြည်း သန့်စင်ပြီးတော့ နောက်ဆုံးမှာ
ကိုယ့်စိတ်ဟာ ကြံ့ခိုင်တဲ့ စိတ်ဓာတ်မျိုး
ကိုယ်ရလာမှာ ဖြစ်တယ်။
ကိုယ့်စိတ်ဓာတ် ကိုယ်ကြံ့ခိုင်လာအောင်
ကိုယ်ပဲ လုပ်ရမှ။ သူများလုပ်လို့မရဘူး။

အဲဒါကြောင့် မြတ်စွာဘုရားက
“အတ္တာ ဟိ အတ္တနော နာထော”လို့ ဟောတာနော်။
ကိုယ်လုပ်မှ ကိုယ်ရတယ်ဆိုတာ အင်မတန်မှ
လက်တွေ့လည်း ကျတယ်။

အဲဒီတော့ ကိုယ်လုပ်မယ့် ကိစ္စလေးကို
ဒီ....တရားလို့ ဆိုလိုက်တာနဲ့ တစ်ပြိုင်နက်
လူတွေမှာ တချို့ပုဂ္ဂိုလ်တွေမှာ တရားနဲ့ဝေးတဲ့
ပုဂ္ဂိုလ်တွေဆိုရင် “တရား” လို့ ပြောလိုက်တာနဲ့
ပျင်းစရာကြီးလို့ အောက်မေ့တယ်။ မဟုတ်ဘူး။

တရားဟာ မိမိရဲ့ဘဝပဲ။ ကိုယ့်ဘဝပဲ။
တရားလို့ ပြောလိုက်တာနဲ့ အမျိုးသမီးတွေက
မယ်သီလရှင် ဝတ်ရမှာလား။
အမျိုးသားတွေက ဘုန်းကြီးဝတ်ရမှာလား။
ဒီလို မဟုတ်ပါဘူး။ မဟုတ်ဘူး။
မိသားစုနဲ့နေရင်းလည်း တရားဆိုတာ ရတယ်။
ကျင့်ဖို့ရာ အဓိက ဖြစ်တယ်ပေါ့။
နှလုံးသွင်းတရားဟာ အင်မတန်မှ အရေးကြီးတယ်။

မြတ်စွာဘုရား လက်ထက်တုန်းက မိသားစုနဲ့နေရင်းနဲ့
သောတာပန်၊ သကဒါဂါမ်၊ အနာဂါမ် တွေ ဖြစ်တာ
ရှိတာပဲ။နောက်ဆုံး ရဟန္တာဖြစ်သွားတာ။
ရဟန္တာ ဖြစ်သွားရင်တော့ သူက မိသားစုနဲ့
မနေတော့ဘူးပေါ့။ အနာဂါမ်ဖြစ်သည်
အထိအောင်တောင်မှ မိသားစု အသိုင်းအဝိုင်းထဲမှာ
ရှိနေသေးတာပဲ။အဲဒီလို တရားဆိုတာ ဘယ်ပုဂ္ဂိုလ်ပဲ
ဖြစ်ဖြစ် ကျင့်တဲ့ ပုဂ္ဂိုလ်မှာ ရနိုင်တာပဲ။

“စွန့်ရမှာက.... တွယ်တာမှု”
~~*~~*~~*~~*~~*~~

တကယ်ကတော့ သံယောဇဉ် ဆိုလို့ရှိရင်
လူတွေက ထင်ကြတယ်။
ပစ္စည်းသံယောဇဉ်၊ သားသံယောဇဉ်၊
သမီးသံယောဇဉ်ဆိုတော့ ပစ္စည်းကို စွန့်ရမှာလား၊
သားကို စွန့်ရမှာလား၊ သမီးကို စွန့်ရမှာလား။
ဘယ်ဟာမှ စွန့်စရာမလိုဘူး။

စွန့်ရမှာက ကိုယ့်စိတ်ထဲမှာ ဖြစ်နေတဲ့
“တွယ်တာမှု” ကို စွန့်ရမှာ။

အဲဒီတော့ အစွန့်မှားတတ်တယ်နော်။
အစွန့်မှားတတ်တယ်။

အတွယ်အတာမရှိဘဲနဲ့ နေလို့မရဘူးလား။
ရတာပေါ့။ အတွယ်အတာမရှိဘဲနဲ့နေတာ
“မေတ္တာ”နဲ့ နေတာပဲ။
မိသားစုထဲမှာလည်းပဲ အတွယ်အတာ
ကင်းပြီးတော့ နေလို့ရတယ်။

ကြည့်လေ။
စက္ကူရွက်ကလေး နှစ်ရွက် အတူတူထား၊
စက္ကူလေးနှစ်ခု ပူးထား။ဟော....အချိန်မရွေး
ဒီစက္ကူလေး နှစ်ခုက တစ်ခုနဲ့ တစ်ခု ကပ်မနေဘူးလေ။
ထိနေပေမယ့် ကပ်နေတာ မဟုတ်ဘူး။
အဲဒီကြားထဲမှာ glue ဆိုတဲ့ ကော်လေး မထည့်လိုက်နဲ့။
ထည့်လိုက်ရင်တော့ ဒီနှစ်ခုက ပူးကပ်သွားမှာပဲ။

အဲဒီတော့ ကော်နဲ့အလားတူတဲ့ သံယောဇဉ်ဆိုတာ
အဲဒီတွယ်တာမှုကို ပြောတာ။ အဲဒီမှာ ကော်ကိုသာ
ခွာခိုင်းတာ။ ဟိုဘက် စက္ကူကို ဆုတ်ပစ်ဖို့လည်း
မလိုဘူး။ ဒီဘက် စက္ကူကို ဆုတ်ဖို့လည်း မလိုဘူး။

အဲဒီတော့ သား စွန့်ဖို့လည်း မလိုဘူး။
သမီး စွန့်ဖို့လည်း မလိုဘူး။
ရာထူး စွန့်ဖို့လည်း မလိုဘူး။
လိုတာက ဘာတုံးဆိုရင် “တွယ်တာမှုကိုစွန့်”လို့..
ဒီလိုဆိုလိုတယ်။

အဲဒါကြောင့်မို့လို့ မြတ်စွာဘုရားက
တရားတော်တွေဟာ “သတိသမ္ပဇည”တရား
ကိုယ့် သန္တာန်မှာ ဖြစ်ပွားအောင် ကြိုးစားပြီးတော့
အမှန်အကန်သိမယ်ဆိုရင် ဘဝမှာ နေပျော်ပြီးတော့
နောက်ဆုံးမှာ ဘဝက လွတ်မြောက်တဲ့
နိဗ္ဗာန်ချမ်းသာ ဆိုတာကိုလည်း ရပြီးတော့
ဒီ... “ကာယိကရောဂါ” ဆိုတဲ့ ရောဂါလည်း
နောက်ဆုံးပိတ် နောက်ထပ် ဖြစ်စရာ မရှိတော့ဘူး။
“စေတသိကရောဂါ” ဆိုတဲ့ mental disease တွေလည်း
လုံးဝချုပ်ငြိမ်းသွားပြီးတော့ နောက်ဆုံး ရောဂါ အားလုံး
ပျောက်ငြိမ်းတဲ့ နိဗ္ဗာန်ချမ်းသာကို မျက်မှောက်ပြုနိုင်မှာ
ဖြစ်တယ်လို့ ကိုယ်စီ ကိုယ်စီ သဘောကျပြီးတော့
ကျင့်ကြံကြိုးကုတ် အားထုတ်နိုင်ကြပါစေကုန်သတည်း။ ။
-【စာရိုက်ပူဇော်သူ - Admin Team of
Young Buddhist Association】
-【ပါမောက္ခချုပ်ဆရာတော်ဒေါက်တာ
အရှင်နန္ဒမာလာဘိဝံသ】